اسلام آباد (نیوز ڈیسک) وفاقی دارالحکومت اسلام آباد اور پشاور سمیت ملک کے مختلف علاقوں میں زلزلے کے جھٹکے محسوس کیے گئے،

جس سے لوگوں میں خوف و ہراس پھیل گیا۔اطلاعات کے مطابق خیبرپختونخوا، پنجاب اور آزاد کشمیر کے کئی شہروں میں بھی زمین لرزنے کا احساس ہوا۔ متاثرہ علاقوں میں مظفرآباد، اسکردو، دیامر، راولپنڈی، مری، ٹیکسلا اور حسن ابدال شامل ہیں، جبکہ لوئر دیر، کوہاٹ، سوات، صوابی، شبقدر اور پاڑاچنار میں بھی زلزلہ محسوس کیا گیا۔زلزلہ پیما مرکز کے مطابق زلزلے کی شدت 6.3 ریکارڈ کی گئی جبکہ اس کی گہرائی 190 کلومیٹر تھی۔ زلزلے کا مرکز افغانستان کے ہندوکش پہاڑی سلسلے میں بتایا گیا ہے۔جھٹکوں کے دوران شہری خوفزدہ ہو کر کلمہ طیبہ کا ورد کرتے ہوئے گھروں اور عمارتوں سے باہر نکل آئے۔