اسلام آباد (نیوز ڈ یسک) شیخوپورہ میں نامعلوم ملزمان نے معذوربھائی کے سامنے بہن سے زیادتی کرکے اسے قتل کر ڈالا۔

جیو نیوز کے مطابق 15 سالہ مناہل بتول کو زیادتی کے بعد قتل کرنے کا اندوہناک واقعہ فیروز والا کی آبادی لبان والا میں پیش آیا۔ایف آئی آر میں بتایا گیا ہے کہ مناہل بتول کے اہلخانہ شادی پر گئے ہوئے تھے اور وہ معذور بھائی کی دیکھ بھال کے لیے گھر میں تھی۔ایف آئی آر کے مطابق نامعلوم ملزمان نے گھر میں داخل ہوکر معذور بھائی کے سامنے مقتولہ سے زیادتی کی اور پھر تیزدھار آلے سے اس کا گلا کاٹ کر فرار ہو گئے۔