اسلام آباد (نیوز ڈیسک): سعودی عرب کی سپریم کورٹ نے ملک بھر کے شہریوں سے شوال کا چاند دیکھنے کے لیے 18 مارچ کو خصوصی توجہ دینے کی درخواست کی ہے۔
عدالتِ عظمیٰ کی جانب سے جاری بیان میں کہا گیا ہے کہ بدھ کی شام تمام مسلمان چاند کی رویت کا اہتمام کریں اور اگر کسی کو چاند نظر آئے تو وہ فوری طور پر اپنی گواہی قریبی عدالت یا متعلقہ مرکز میں درج کروائے۔سپریم کورٹ نے مزید ہدایت کی ہے کہ چاہے چاند ننگی آنکھ سے دیکھا جائے یا دوربین کی مدد سے، دونوں صورتوں میں شہادت کو باقاعدہ طور پر ریکارڈ کروانا ضروری ہے۔
بیان میں یہ بھی کہا گیا ہے کہ جو افراد چاند دیکھنے کی صلاحیت رکھتے ہیں وہ رویتِ ہلال کمیٹیوں کے ساتھ تعاون کریں اور اس مذہبی عمل میں حصہ لے کر ثواب حاصل کریں۔
