لاہور (این این اائی) محکمہ موسمیات نے مختلف شہروں میں تیز ہوائوں اور گرج چمک کے ساتھ بارش کی پیشگوئی کردی۔

حکام کے مطابق آج بروز ہفتہ کی شام کو مغربی ہواں کا ایک سلسلہ ملک کے شمال مغربی حصے میں داخل ہوگا۔ ویک اینڈ کے دوران ملک کے بالائی علاقوں میں تیز ہواں اور گرج چمک کے ساتھ بارش کا امکان ہے۔بیان کے مطابق 14سے 16مارچ کے دوران خیبر پختونخوا کے بالائی علاقوں بارش اور ژالہ باری متوقع ہے، گلگت بلتستان اور کشمیر کے چند علاقوں میں بھی بارش اور ژالہ باری کا امکان ہے۔محکمہ موسمیات کے مطابق اس عرصے کے دوران اسلام آباد راولپنڈی،وسطی اورجنوبی پنجاب کے مختلف علاقوں میں بھی بارش اور ژالہ باری ہوسکتی ہے۔محکمہ موسمیات کا کہنا ہے کہ مغربی ہوائوں کا ایک اور سلسلہ سترہ مارچ کی رات کو ملک کے مغربی علاقوں میں داخل ہونے کا امکان ہے جس سے مزید بارشوں کا سلسلہ شروع ہو سکتا ہے۔

دوسری جانب سپارکو نے شوال کے چاند سے متعلق پیشگوئی کرتے ہوئے کہا کہ 19مارچ کو شوال کا چاند نظر آنے کا امکان نہیں ہے جس کے باعث عیدالفطر ممکنہ طور پر 21مارچ کو ہو گی۔