لاہور (این این آئی) لاہور میں 70سال کے بزرگ شہری کو ہنی ٹریپ کرکے بلیک میل کرنے والا ماں بیٹی کا گینگ گرفتار کرلیا گیا۔

پولیس کے مطابق ماں بیٹی اور سوتیلے باپ پر مشتمل 3رکنی گروہ نے مصری شاہ میں 70 سال کے شہری کو فریزر ٹھیک کرنے گھر بلایا اور زبردستی نازیبا ویڈیوز بنالیں۔ملزمان نے متاثرہ شہری سے موقع پر 70 ہزار روپے چھین لیے جبکہ مزید 7لاکھ روپے کا مطالبہ کرتے رہے، ملزمان نازیبا ویڈیوز کی بنا پر بزرگ شہری کو بلیک کرتے رہے جس سے تنگ آکر متاثرہ شخص خودکشی کی کوشش تک جاپہنچا۔پولیس نے تینوں ملزمان کو گرفتار کرکے مقدمہ درج کرلیا، ملزمان سے موبائل فونز ، نازیبا ویڈیوز اور نقدی برآمد کرلی گئی۔ ملزمان کیخلاف مقدمہ درج کرکے تحقیقات کا آغاز کردیا گیا۔