اسلام آباد(نیوز ڈ یسک)پیٹرولیم مصنوعات کی قیمتوں میں اضافے کے بعد طلبہ کو درپیش ممکنہ سفری مشکلات کے پیش نظر جامعہ کراچی ے اہم فیصلہ کر لیا ہے۔
میڈیا رپورٹس کے مطابق جامعہ کراچی کی انتظامیہ نے وائس چانسلر کی منظوری سے صبح کی کلاسز آن لائن کرانے کا اعلان کیا ہے اور اس حوالے سے باقاعدہ نوٹیفکیشن بھی جاری کر دیا گیا ہے۔نوٹیفکیشن میں بتایا گیا ہے کہ 9 مارچ سے لے کر رمضان المبارک کے اختتام تک صبح کے اوقات میں ہونے والی تمام کلاسز آن لائن طریقے سے منعقد کی جائیں گی۔
یونیورسٹی انتظامیہ کے مطابق پیٹرولیم مصنوعات کی بڑھتی ہوئی قیمتوں کے باعث ٹرانسپورٹ کے مسائل پیدا ہونے کا خدشہ تھا، اس لیے طلبہ کی سہولت کو مدنظر رکھتے ہوئے یہ فیصلہ کیا گیا ہے۔
