اسلام آ باد (نیوز ڈ یسک) وفاقی دارلحکومت، راولپنڈی اور خیبرپختونخوا کے بیشتر علاقوں میں زلزلے کے جھٹکے محسوس کیے گئے
جن کی ریکٹر سکیل پر شدت 5.6ریکارڈ کی گئی۔ مقامی میڈیا کے مطابق پشاور، باجوڑ، صوابی ، مردان ،بٹگرام، چارسدہ ، مانسہرہ اور سوات سمیت دیگر ملحقہ علاقوں میں زلزلے کے جھٹکے محسوس کیے گئے تاہم ابتدائی طورپر کسی جانی یا مالی نقصان کی اطلاع نہیں ملی ۔ بتایا گیا ہے کہ زلزلے کا مرکز کوہ ہندوکش ریجن افغانستان تھا اور گہرائی 114 کلومیٹر تھی ۔



















































