مریدکے( این این آئی)مریدکے کی آبادی حسن پارک میں سوتیلے بھائیوں نے مبینہ جائیداد ہتھیانے کے لئے حاملہ بہن کو بے دردی سے قتل کردیا اور فرار ہوگئے ۔
مقتولہ کی والدہ اور دیگر رشتہ داروں کے مطابق اقرا ء جوکہ سات ماہ کی حاملہ تھی کو جائیداد ہتھیانے کی خاطر سوتیلے بھائیوں احسان اور علی شیر نے پہلے بہیمانہ تشدد کا نشانہ بناکر اس کے کانوں سے طلائی بالیاں نوچیں ،زیورات چھینے ،دو لاکھ نقدی سے لی اور پھر بہیمانہ طریقے سے قتل کرکے فرار ہوگئے ۔پولیس کے مطابق مقتولہ اقرا ء کے بہنوئی قاسم کی درخواست پر مقدمہ درج کرکے ایک ملزم احسان کو حراست میں لے کر دوسرے سوتیلے بھائی علی شیر کی تلاش شروع کردی ہے۔
