اسلام آباد (نیوز ڈ یسک)کراچی کے علاقے ڈیفنس فیز میں خیابانِ اتحاد پر پیش آنے والے حادثے میں موٹر سائیکل سوار جاں بحق ہو گیا تھا،
تاہم متوفی کے اہلِ خانہ نے گاڑی کے ڈرائیور کو معاف کرنے کا اعلان کر دیا ہے۔میڈیا رپورٹس کے مطابق پولیس کا کہنا ہے کہ حادثے میں ملوث گاڑی کے ڈرائیور کو ابتدائی تفتیش کے بعد رہا کر دیا گیا ہے۔ حکام کے مطابق متاثرہ خاندان نے قانونی کارروائی آگے نہ بڑھانے کا فیصلہ کیا اور ڈرائیور کو رضائے الٰہی کے لیے درگزر کر دیا۔پولیس کے بیان میں کہا گیا ہے کہ ورثا لاش کو لے کر گزشتہ روز ٹھٹھہ روانہ ہو گئے تھے، جہاں مرحوم کی تدفین انجام دے دی گئی۔
حکام نے مزید واضح کیا کہ آئندہ کسی بھی کارروائی کا انحصار ورثا کی درخواست پر ہوگا۔
