سرگودھا(این این آئی)سرگودھا عدالت نے مقدمات قتل کا فیصلہ سناتے ہوئے غیرت کے نام پر بہن کو قتل کرنے والا ملزم بھائی کو
سزائے موت اور دوسرے قاتل ملزم کو عمر قید سخت اور جرمانہ کی سزا کے احکامات سنا دیئے۔تفصیلات کے مطابق سرگودھا کے علاقہ میں دو سال قبل بہن کے قتل کے واقعہ پر درج مقدمہ قتل کا فیصلہ سناتے ہوئے فاضل عدالت کے جج نے تھانہ جھال چکیاں کے قاتل ملزم محمد خان کو سزائے موت اور 2 لاکھ روپے جرمانہ کی سزا کا حکم سنا دیا۔اسی طرح شہر کے علاقہ اربن ایریا کہ مقتول محمد حسنین کے مقدمہ قتل کا فیصلہ سناتے ہوئے عدالت نے تھانہ اربن ایریا کے قاتل ملزم ملزم مثیم کو عمر قید اور 2 لاکھ روپے جرمانہ کی سزا کا حکم سنا دیا جس پر ڈی پی او محمد صہیب اشرف نے تفتیشی افسران کی کارکردگی کو سراہتے ہوئے کہا کہ سنگین مقدمات میں ملزمان کو سزا دلوانا ہی اصل انصاف ہے۔
سرگودھا پولیس جدید تفتیشی نظام اور عدالتوں میں مضبوط پیروی کے ذریعے جرائم پیشہ افراد کو قانون کے کٹہرے میں لانے کے لیے پرعزم ہے۔
