اسلام آباد (نیوز ڈ یسک)جنوبی چھاؤنی کے علاقے میں دو حقیقی بہنوں کے ساتھ مبینہ زیادتی کا واقعہ پیش آیا ہے جس پر پولیس نے کارروائی شروع کر دی۔
متاثرہ لڑکیوں کی والدہ کی درخواست پر تین افراد کے خلاف مقدمہ درج کیا گیا ہے۔مدعیہ کے مطابق ملزمان نے رشتے کی بات چیت کا بہانہ بنایا اور اسی غرض سے دونوں بہنوں کو گھر سے ساتھ لے گئے۔ ایف آئی آر میں الزام عائد کیا گیا ہے کہ جان محمد، بلال اور خرم نامی افراد نے مبینہ طور پر نشہ آور شے پلا کر لڑکیوں کو زیادتی کا نشانہ بنایا۔رپورٹ کے مطابق ملزمان نے واقعے کی ویڈیو بنا کر متاثرین کو خاموش رہنے کی دھمکی بھی دی۔ پولیس کا کہنا ہے کہ مقدمہ درج کرنے کے بعد تینوں ملزمان کو حراست میں لے لیا گیا ہے اور مزید تفتیش جاری ہے۔
