کوئٹہ (این این آئی)این سی سی آئی اے کوئٹہ نے 15 لاکھ روپے کی سیکسٹورشن میں ملوث افغانی باشندے کو گرفتار کر لیا،

ملزم خواتین کی نازیبا تصاویر کی ذریعے انہیں بلیک میل کرتا تھا۔حکام کے مطابق ملزم ڈیجیٹل ٹریل سے بچنے کے لیے ڈیڈ ڈراپس کے ذریعے رقم وصول کرتا تھا، ملزم فیس بک کے ذریعے شہریوں کو نجی تصاویر لیک کرنے کی دھمکیاں دے کر تاوان وصول کرتا تھا۔حکام کے مطابق مقامی ریکارڈ نہ ہونے پر ملزم کا سراغ میٹا اور اے آئی سے لگایا گیا، خصوصی ٹیم نے چھاپہ مار کر ملزم کو آلات سمیت کوئٹہ سے گرفتار کر لیا۔ملزم کے قبضے سے ملنے والے موبائل اور ہارڈویئر میں سیکڑوں حساس تصاویر کی موجودگی کی تصدیق ہوئی ہے، گرفتار ملزم کو مزید تفتیش اور فارینزک تجزیے کے لیے ڈیجیٹل لیب منتقل کر دیا گیا ہے۔