اسلام آباد (این این آئی)سینیٹ قائمہ کمیٹی برائے داخلہ میں سینیٹر طلحہ محمود نے نان فائلرز کو 33ہزار اور فائلرز کو 3ہزار اسلحہ لائسنس جاری کیے جانے کا انکشاف کیا ۔وزیر مملکت داخلہ طلال چوہدری نے کہا کہ گزشتہ ادوار میں بہت زیادہ اسلحہ لائسنس جاری کیے گئے ہیں، ہم نے پالیسی سخت کی ہے اب چند ہزار لائسنس جاری ہوئے، 90فیصد لائسنس بنانے بند کر دیئے ہیں، یہ وزارت داخلہ ہے کوئی لائسنسنگ برانچ نہیں۔

چیئرمین کمیٹی نے کہا کہ جو فائلر نہیں ان کے لائسنس فوری منسوخ کیے جائیں، اسلحہ لائسنس جاری ضرور کریں مگر وہ ٹیکس تو ادا کریں۔طلال چوہدری نے کہا کہ فوری منسوخ کرنا مناسب نہیں ہے کچھ وقت دے دیتے ہیں، اس وقت تک اگر ٹیکس جمع نہیں کرایا گیا تو لائسنس منسوخ کر دیں گے۔