لاہور (این این آئی) وزیرتعلیم پنجاب رانا سکندر حیات نے صوبہ بھر میں شدید سردی کے باعث تعلیمی اداروں میں ایک ہفتے کی چھٹیوں کا اعلان کردیا۔وزیرتعلیم پنجاب رانا سکندر حیات نے نجی ٹی وی سے گفتگو کے دوران اسکولوں اور کالجوں میں موسم کی چھٹیوں میں اضافے کا اعلان کردیا۔

رانا سکندرحیات نے کہا کہ موسم سرما کی چھٹیوں کا فیصلہ سردی کی شدت میں اضافے کے باعث کیا گیا، بچوں کی صحت ہماری پہلی ترجیح ہے۔واضح رہے کہ سردی کی شدت کے باعث والدین کی اکثریت نے سکولوں کی چھٹیاں ایک ہفتے تک بڑھانے کا مطالبہ کیا تھا ۔