اسلام آباد (این این آئی) پمز ہسپتال میں پھیپھڑوں کی جگہ جگر کی بائیوپسی اور خاتون کی ہلاکت کے معاملے پر انتظامیہ نے دو رکنی فیکٹ فائنڈنگ کمیٹی تشکیل دے دی۔ڈپٹی ایگزیکٹیو ڈائریکٹر کی جانب سے فیکٹ فائنڈنگ کمیٹی کا نوٹیفکیشن جاری کر دیاگیا۔
ایچ او ڈی اون کالوجی ڈیپارٹمنٹ پروفیسر ڈاکٹر قاسم محمود بٹر کمیٹی کے چیئرمین مقرر کیے گئے جبکہ ڈائریکٹر ایمرجنسی ڈاکٹر شرجیل ظہیر کمیٹی کے ممبر نامزد کیے گئے۔نوٹیفکیشن کے مطابق کمیٹی پمز ہسپتال کی پلمونولوجی ڈیپارٹمنٹ کے ڈاکٹرز اور سٹاف کی مبینہ غفلت کی تحقیقات کرے گی اور مکمل تحقیقاتی رپورٹ اور تجاویز ایگزیکٹیو ڈائریکٹر پمزہسپتال کو پیش کرے گی۔
