کراچی(این این آئی)ایف آئی اے نے کراچی سمیت ملکی ہوائی اڈوں کو آئی سی4نظام سے منسلک کردیا، جس کے بعد شہری پروازوں سے آف لوڈنگ سمیت کسی بھی قسم کی شکایات کااندراج کرواسکیں گے۔ترجمان ایف آئی اے کے مطابق ملکی ائیرپورٹس پرعوامی خدمات کو مزید موثربنانے کیلئے ایف آئی اے نے ائیرپورٹس پر عوامی خدمات کو مزید موثربنانے کیلئے آئی سی 4نظام کے ساتھ منسلک کردیاہے۔
ترجمان کے مطابق شہری مرادانٹرگریٹیڈکمانڈ،کنٹرول،کمیونیکشن اینڈکوآرڈینیشن کے ذریعے کسی بھی قسم کی رہنمائی یا شکایات درج کروانے کیلئے ہیلپ لائن 1991یا فون کال کے علاوہ ای میل ایڈریسز پر بھی رابطہ کرسکتے ہیں اور آف لوڈنگ سے متعلق شکایات کے فوری ازالے کیلئے 0519262908پر رابطہ کریں۔ایف آئی اے کے ترجمان نے کہا کہ شہریوں کی امیگریشن سے متعلق شکایات کا فوری طور پر ازالہ کیا جائے گا۔
