اسلام آباد (این این آئی) اسلام آباد پولیس نے امریکی سفارت خانے کے جعلی اہلکار افغان شہری کو گرفتار کر لیا گیا۔پولیس ذرائع کے مطابق افغان شہری گاڑی پر گیٹ نمبر 2 سے ڈپلومیٹک انکلیو میں داخل ہوا جس کی نشاندہی پہلے ہی سے پولیس اورانٹیلی اہلکاروں نے کر رکھی تھی۔
ذرائع کے مطابق افغان شہری فراڈ کے کیسز میں پولیس کو مطلوب تھا، امریکی سفارت خانے بھی اس سے متعلق شکایت کر رکھی تھی۔ذرائع کے مطابق پولیس نے انٹیلی جنس ایجنسیوں کی مدد سے افغان شہری حارث کو گرفتار کیا ، جسے مزید کارروائی کے لیے تھانہ سیکرٹریٹ منتقل کردیا گیا ہے۔
