اسلا م آباد(نیوز ڈ یسک )بہاولپور میں ایک افسوسناک واقعہ پیش آیا ہے جہاں شادی کے دن ہی ایک لڑکی کو اس کے باپ اور بھائی نے موت کے گھاٹ اتار دیا۔پولیس کے مطابق سانحہ بستی سکھیل میں پیش آیا، جہاں والد نے اپنے بیٹے کے ساتھ مل کر لڑکی پر تشدد کیا اور اسے قتل کرنے کے بعد لاش کھیتوں میں پھینک دی۔
تحقیقات سے معلوم ہوا ہے کہ مقتولہ کو اس کی پھوپھی نے کم عمری میں گود لے لیا تھا، تاہم ایک روز قبل اس کا باپ اسے واپس اپنے گھر لے آیا تھا۔ پولیس کا کہنا ہے کہ باپ اور بیٹا لڑکی کی شادی پر راضی نہیں تھے۔قانون نافذ کرنے والے اداروں نے قتل کا مقدمہ درج کر کے ملزمان کی تلاش کے لیے کارروائی شروع کر دی ہے۔
