اسلام آباد (نیوز ڈیسک)ملک بھر میں 24 قیراط سونے کی فی تولہ قیمت میں 1,700 روپے کی کمی واقع ہوئی ہے، اور اس کے بعد نئی قیمت 441,462 روپے فی تولہ مقرر کی گئی ہے۔آل پاکستان جیمز اینڈ جیولرز ایسوسی ایشن نے جمعرات کو سونے کی تازہ قیمتیں جاری کرتے ہوئے بتایا کہ 24 قیراط دس گرام سونا 1,457 روپے سستا ہو کر 378,482 روپے کی سطح پر آگیا ہے۔

اسی رپورٹ کے مطابق، 22 قیراط دس گرام سونے کی قیمت بھی 1,336 روپے کم ہوئی، اور اب یہ 346,954 روپے فی 10 گرام ہو گیا ہے۔بین الاقوامی منڈیوں میں بھی سونے کی قدر 17 ڈالر فی اونس کی کمی کے ساتھ 4,191 ڈالر فی اونس پر آگئی، اور اس عالمی سطح کی قیمتوں کی کمی نے پاکستان کی مقامی مارکیٹس پر اثر ڈالا ہے۔علاوہ ازیں، 24 قیراط چاندی کی فی تولہ قیمت میں 85 روپے کی کمی ہوئی، جس کے بعد نئی قیمت 6,000 روپے فی تولہ مقرر ہوئی۔ دس گرام چاندی کی قیمت بھی 72 روپے کم ہو کر 5,144 روپے ہو گئی ہے۔