صوابی(این این آئی)خیبر پختونخوا کے ضلع صوابی کے باچا خان میڈیکل کمپلیکس میں گاؤں سلیم خان سے تعلق رکھنے والی ایک خاتون نے بیک وقت 4 بچوں کو جنم دیا ہے۔اس حوالے سے باچا خان میڈیکل کمپلیکس کے ترجمان رحم خان نے بتایا کہ بیک وقت پیدا ہونے والے 4بچوں میں 2بیٹے اور 2 بیٹیاں شامل ہیں، ماں اور چاروں بچے صحت مند ہیں۔

باچا خان میڈیکل کمپلیکس کے انچارج نیونٹل کیئر یونٹ ڈاکٹر عنایت اللہ نے بتایا کہ بچوں کی پیدائش نارمل سے ڈلیوری ہوئی ہے۔4بچوں کی پیدائش پر ان کے والد مقصود علی نے بے انتہا خوشی کا اظہار کرتے ہوئے کہا کہ ایک ساتھ 4بچوں کی پیدائش پر بیحد خوش ہوں۔انہوں نے ہسپتال انتظامیہ اور ڈاکٹرز کا خصوصی طور پر شکریہ بھی ادا کیا ہے۔