لاہور (این این آئی) محکمہ جنگلی حیات پنجاب نے نئے قواعد وضوابط کے ساتھ تیترکے شکارکی اجازت دے دی۔ ترجمان محکمہ جنگلی حیات پنجاب کے مطابق نئے قواعد و ضوابط کے ساتھ تیترکے شکارکی اجازت دی گئی ہے، 3مختلف دورانیوں میں تیتر کے شکار کی اجازت ہوگی۔
ترجمان کے مطابق تیترکے شکار کے لیے پہلا دورانیہ یکم دسمبر سے 15فروری 2026ء تک ہوگا جبکہ دوسرا دورانیہ 14دسمبر تا 15فروری اور تیسرا 10جنوری تا 15فروری تک ہوگا۔ ترجمان محکمہ جنگلی حیات کا کہنا ہے کہ شکار صرف اتوارکے دن مستند اسلحے اور شوٹنگ لائسنس کے ساتھ کھیلنے کی اجازت ہوگی۔
