اسلام آباد (ڈیلی پاکستان آن لائن) – وزیراعلیٰ بلوچستان کی تبدیلی کے حوالے سے خبریں گردش کرنے کے بعد وزیراعلیٰ سرفراز بگٹی نجی دورے پر دبئی پہنچ گئے ہیں۔ وہ دبئی میں صدر مملکت آصف علی زرداری سے ملاقات کے خواہشمند ہیں اور ان سے ملاقات کا وقت طلب کیا ہے۔
ایکسپریس نیوز کے مطابق پیپلز پارٹی کے ذرائع نے دعویٰ کیا ہے کہ صدر مملکت نے سرفراز بگٹی سے فوری ملاقات سے انکار کر دیا۔ ذرائع کے مطابق سرفراز بگٹی ملاقات کے لیے دبئی میں کچھ دن قیام کریں گے۔اسی دوران، پیپلز پارٹی بلوچستان کے کچھ ناراض ایم پی ایز نے بھی وزیراعلیٰ بلوچستان کے بارے میں اپنے تحفظات صدر آصف علی زرداری کے سامنے رکھے ہیں۔
