اسلام آباد: محکمہ موسمیات نے ملک میں سردی کی شدت میں اضافے کی پیش گوئی کر دی ہے۔ ادارے کے مطابق ملک کے بیشتر علاقوں میں موسم سرد اور خشک رہے گا، جبکہ شمالی علاقوں میں صبح اور رات کے وقت درجہ حرارت شدید طور پر گرنے کا امکان ہے۔

پنجاب کے میدانی علاقوں میں رات کے وقت چند مقامات پر ہلکی دھند بھی پڑ سکتی ہے۔ گزشتہ 24 گھنٹوں کے دوران ملک کے بیشتر حصوں میں موسم خشک اور سرد رہا۔ سب سے کم درجہ حرارت لہہ میں منفی 5 ڈگری سینٹی گریڈ ریکارڈ کیا گیا۔ادھر فضائی آلودگی کے حوالے سے عالمی درجہ بندی میں لاہور تیسرے نمبر پر ہے، جہاں مجموعی ایئر کوالٹی انڈیکس 194 ریکارڈ کیا گیا۔ دنیا کے آلودہ ترین شہروں میں نئی دہلی پہلے جبکہ کولکتہ دوسرے نمبر پر ہے۔