اسلام آباد (نیوزڈ یسک) تھانہ فیروزوالہ کے علاقے وڈالہ دیال شاہ بوٹا پارک میں افسوسناک واقعہ پیش آیا ہے، جہاں پولیس کے جوان نے مبینہ طور پر خودکشی کر لی۔پولیس رپورٹ کے مطابق کانسٹیبل شیروز افضل انصاری نے اپنے گھر میں ماتھے پر پستول سے فائر کر کے اپنی زندگی کا خاتمہ کر لیا۔
ذرائع کے مطابق متوفی کی عمر صرف 22 سال تھی اور چند ماہ قبل اس کی منگنی طے پائی تھی جبکہ شادی بھی چند ماہ بعد ہونا تھی۔پولیس کے مطابق شیروز افضل انصاری کا تعلق پنجاب کانسٹیبلری کی بٹالین نمبر 7 سے تھا اور وہ ایم پی اے ہاسٹلز لاہور میں سیکیورٹی ڈیوٹی پر تعینات تھا۔واقعے کے بعد فیروزوالہ پولیس نے متوفی کی لاش کو تحصیل ہیڈکوارٹر اسپتال منتقل کر دیا ہے جہاں پوسٹ مارٹم کے بعد مزید کارروائی جاری ہے۔
