بدھ‬‮ ، 18 ‬‮نومبر‬‮ 2026 

وزیراعلیٰ پنجاب آج ہمارے مساجد کے آئمہ کو 10 ہزار روپے میں خریدنے کی کوشش کررہی ہیں

datetime 30  اکتوبر‬‮  2025 |

اسلام آباد (نیوز ڈیسک) جمعیت علمائے اسلام (ف) کے سربراہ مولانا فضل الرحمان نے وزیراعلیٰ پنجاب مریم نواز پر تنقید کرتے ہوئے کہا ہے کہ وہ مساجد کے آئمہ کو معمولی رقم کے ذریعے خریدنے کی کوشش کررہی ہیں۔ مسلم چناب نگر میں کانفرنس سے خطاب کرتے ہوئے مولانا فضل الرحمان نے کہا کہ وزیراعلیٰ پنجاب آئمہ کو دس ہزار روپے کا وظیفہ دے کر اپنی حمایت حاصل کرنا چاہتی ہیں، لیکن ہم اس رقم کو تمام مکاتبِ فکر اور مدارس کی طرف سے مسترد کرتے ہیں۔ انہوں نے کہا کہ یہ طریقہ خیبرپختونخوا میں بھی چند سال قبل آزمایا گیا تھا، اُس وقت بھی اتنی ہی رقم مقرر کی گئی تھی، مگر آج بھی وہی معمولی رقم دینے کی بات شرمناک ہے۔مولانا فضل الرحمان نے کہا کہ مساجد کے آئمہ، خطبا اور مدارس کے اساتذہ خوددار لوگ ہیں، جو حکومت کے زیرِ اثر نہیں آتے۔ “ہم نے ہمیشہ اپنی مذہبی تحریکوں کو حکومت کی مداخلت یا مالی امداد کے بغیر چلایا ہے، اس لیے ہم واضح طور پر اعلان کرتے ہیں کہ دینی مدارس میں کسی بھی حکومتی مداخلت کو برداشت نہیں کیا جائے گا۔

” انہوں نے الزام عائد کیا کہ ماضی میں بھی حکومتوں نے دینی علوم کو نقصان پہنچایا ہے اور جو مدرسہ ان کے ہاتھ میں گیا، وہ سکول یا کالج میں تبدیل ہوگیا جہاں اب مذہبی تعلیم باقی نہیں رہی۔یاد رہے کہ وزیراعلیٰ پنجاب مریم نواز شریف نے صوبے کی 65 ہزار مساجد کے آئمہ کے لیے وظیفہ مقرر کرنے کا اعلان کیا ہے۔ ان کی زیرِ صدارت امن و امان سے متعلق اجلاس میں کہا گیا کہ امام مسجد معاشرے کا باعزت اور قابلِ احترام فرد ہے، اور حکومت اُنہیں مالی لحاظ سے معاونت فراہم کرے گی تاکہ وہ چندے پر انحصار نہ کریں۔ اجلاس میں بتایا گیا کہ مساجد کی تعمیر و مرمت کے منصوبے سالانہ ترقیاتی پروگرام میں شامل کیے گئے ہیں۔

وزیراعلیٰ نے ہدایت کی کہ مساجد کی بحالی کے منصوبوں کو جلد مکمل کیا جائے، جبکہ رائے ونڈ تبلیغی اجتماع کے لیے سڑکوں کی مرمت، خصوصی بس سروس اور فول پروف سیکیورٹی کے انتظامات مکمل کرلیے گئے ہیں۔ انہوں نے ضلعی افسران کو ہدایت دی کہ آئمہ کرام سے براہِ راست ملاقات کریں۔ اجلاس میں پنجاب میں سائبر کرائم سیل کے قیام اور لاؤڈ اسپیکر کے غیر قانونی استعمال کے خلاف کارروائی کا فیصلہ بھی کیا گیا۔میڈیا رپورٹس کے مطابق، حکومت پنجاب نے فی امام 25 ہزار روپے ماہانہ وظیفہ مقرر کیا ہے۔

آج کی سب سے زیادہ پڑھی جانے والی خبریں


کالم



خود کشی سے پہلے


  نوٹ: اگر آپ افورڈ کر سکتے ہیں تو یہ تحریر آپ…

جنرل ضیاء کی شخصیت کے حیران کن پہلو (دوسرا حصہ)

  نوٹ: اگر آپ افورڈ کر سکتے ہیں تو یہ تحریر آپ…

جنرل ضیاء کی شخصیت کے حیران کن پہلو

  نوٹ: اگر آپ افورڈ کر سکتے ہیں تو یہ تحریر آپ…

بیوی کو بھی پتا نہیں چلنا چاہیے

  نوٹ: اگر آپ افورڈ کر سکتے ہیں تو یہ تحریر آپ…

تیسری پینٹنگ

  نوٹ: اگر آپ افورڈ کر سکتے ہیں تو یہ تحریر آپ…

قید بھی نعمت ہوتی ہے

  نوٹ: اگر آپ افورڈ کر سکتے ہیں تو یہ تحریر آپ…

سٹوڈنٹ لسٹ

  نوٹ: اگر آپ افورڈ کر سکتے ہیں تو یہ تحریر آپ…

Mind The Gape

  نوٹ: اگر آپ افورڈ کر سکتے ہیں تو یہ تحریر آپ…

مہاراجہ ہری سنگھ کے جواہرات

  نوٹ: اگر آپ افورڈ کر سکتے ہیں تو یہ تحریر آپ…

مرنے کے علاوہ

  نوٹ: اگر آپ افورڈ کر سکتے ہیں تو یہ تحریر آپ…

درگزر کیا کریں

  نوٹ: اگر آپ افورڈ کر سکتے ہیں تو یہ تحریر آپ…