راولپنڈی (این این آئی)بچے کی اوپن ہارٹ سرجری کیلئے شہری کی15پر کال پر راولپنڈی پولیس خون دینے اسپتال پہنچ گئی۔تفصیلات کے مطابق ایک سالہ بچے کی اوپن ہارٹ سرجری کے لیے اسکے والد نے کال کی تھی، اطلاع موصول ہونے پر راولپنڈی پولیس کے افسران خون عطیہ کرنے ہسپتال پہنچے تھے۔
بچے کا راولپنڈی انسٹیٹیوٹ آف کارڈیالوجی میں آپریشن ہونا تھا جس پر سرگودھا کا رہائشی شہری خون کی اشد ضرورت پر پریشان تھا۔راولپنڈی پولیس کے افسران نے بچے کے آپریشن کیلئے مجموعی طور پر 4خون کی بوتلیں عطیہ کیں۔شہری نے پنجاب پولیس اور راولپنڈی پولیس کا شکریہ ادا کیا۔
