اسلام آباد (نیوز ڈیسک) ذرائع کے مطابق، 16 اکتوبر سے پیٹرول کی قیمت میں 6 روپے 10 پیسے فی لیٹر کمی متوقع ہے، جبکہ ہائی اسپیڈ ڈیزل کی قیمت میں 97 پیسے فی لیٹر تک کمی کا امکان ہے۔

اسی طرح، مٹی کے تیل کی قیمت میں 2 روپے 75 پیسے فی لیٹر اور لائٹ ڈیزل آئل میں 1 روپے 64 پیسے فی لیٹر کمی متوقع ہے۔

ذرائع کا کہنا ہے کہ پیٹرولیم انڈسٹری نے نئی قیمتوں سے متعلق اپنی حسابی ورکنگ مکمل کر کے اوگرا (تیل و گیس ریگولیٹری اتھارٹی) کو ارسال کر دی ہے۔

اوگرا کی جانب سے قیمتوں میں ردوبدل کی سمری آج شام پیٹرولیم ڈویژن کے ذریعے وزارتِ خزانہ کو بھیجی جائے گی۔

ذرائع کے مطابق، وزارتِ خزانہ وزیراعظم سے مشاورت کے بعد کل پیٹرولیم مصنوعات کی قیمتوں میں تبدیلی کی حتمی منظوری دے گی۔