کراچی(این این آئی)محکمہ موسمیات کے کلائمٹ ڈیٹا پروسیسنگ سینٹر نے جمادی الاول کے چاند سے متعلق پیشگوئی جاری کر دی ہے۔محکمہ موسمیات کے مطابق چاند دیکھنے کیلیے موسمی حالات سازگارہوں گے اورمطلع جزوی طور پر ابر آلود یاصاف رہنے کا امکان ہے۔

جمادی الاول کاچاند 21 اکتوبرکوشام پانچ بجکر 25منٹ پرپیدا ہوگا،23 اکتوبر بروز جمعرات کو چاند نظر آنے کے قوی امکانات ہیں۔محکمہ موسمیات نے کہاکہ23 تارتخ کوچاند کی عمر 48 گھنٹے 57منٹ ہوگی جبکہ چاند کی بلندی 10 اعشاریہ 2 درجے ریکارڈ کی جائے گی،چاند کے نظر آنے کے لیے اس کی عمر کم از کم 19 گھنٹے اور بلندی 5 درجے یا اس سے زیادہ ہونی چاہیے۔