لاہور (این این آئی) کاہنہ کے علاقے میں 18سالہ لڑکی کے ساتھ اجتماعی زیادتی کا افسوسناک واقعہ پیش آیا ہے جس میں 4ملزمان کو گرفتار کیا گیا ہے۔ پولیس کے مطابق متاثرہ لڑکی کو محسن نامی ملزم نے بہانے سے محافظ ٹائون میں واقع ایک عمارت کی چھت پر بلایا، جہاں اس کے تین ساتھیوں نے مل کر اسے اجتماعی زیادتی کا نشانہ بنایا، ملزم شفیق نے نہ صرف لڑکی کی نازیبا ویڈیو بنائی بلکہ دوران زیادتی اسے تھپڑ بھی مارا۔

ایس پی ماڈل ٹائون کے مطابق متاثرہ لڑکی نے پولیس کو درخواست دی جس پر ملزمان کے خلاف تھانہ کاہنہ میں دفعہ 375 اے کے تحت مقدمہ درج کر لیا گیا، گرفتار ملزمان میں محسن، شفیق، جاوید اور ذیشان شامل ہیں۔ ایس پی اخلاق اللہ تارڑ نے کہا کہ اس واقعے کی تحقیقات جاری ہیں اور متاثرہ لڑکی کو انصاف فراہم کرنے کے لئے تمام قانونی کارروائیاں کی جا رہی ہیں۔