اسلام آباد(این این آئی)آئندہ 24 گھنٹوں کے دوران خیبر پختونخوا، کشمیر، گلگت بلتستان، اسلام آباد، بالائی پنجاب اور سندھ کے ساحلی علاقوں میں مطلع جزوی ابرآلود رہنے کے علاوہ تیز ہواؤں اور گرج چمک کے ساتھ بارش کی توقع ہے، ملک کے دیگر علاقوں میں موسم گرم اور خشک رہے گا۔ محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا تاہم بالائی پنجاب، بالائی خیبر پختونخوا اور زیریں سندھ میں چند مقامات پر تیز ہواؤں اور گرج چمک کے ساتھ بارش ہوئی۔

سب سے زیادہ بارش پنجاب: مری 25، اسلام آباد (سید پور 23، زیرو پوائنٹ 12، بوکرا 04، گولڑہ 03)راولپنڈی (شمس آباد 16، چکلالہ 13، نیو کٹار یاں 08، گوالمنڈی 07، پیر ودھائی 04، کچہری 06)، جہلم 10، سیالکوٹ (ایئرپورٹ 10، سٹی 05)، منگلا 09، چکوال 03، منڈی بہاؤالدین اور گجرات 02، اٹک اور گوجرانوالہ 01، خیبر پختونخوا: کاکول 16، باچا خان ایئرپورٹ 07، بالاکوٹ 04، چترال 03، دروش 01، سندھ: بدین میں 04 ملی میٹر بارش ہوئی۔ جمعہ کو ریکارڈ کئے گئے زیادہ سے زیادہ درجہ حرارت: تربت 42، لسبیلہ اور پسنی میں 40 ڈگری سینٹی گریڈ ریکارڈ کیا گیا۔ محکمہ موسمیات نے جمعہ کی رات زیریں سندھ میں بعض مقامات پر آندھی/جھکڑ چلنے اور گرج چمک کے باعث روزمرہ کے معمولات متاثر ہونے کمزور انفرا سٹرکچر (کچے گھر/دیواریں، بجلی کے کھمبے، بل بورڈز، گاڑیوں، سولر پینل وغیرہ) کو نقصان کا اندیشہ ظاہر کیا ہے۔