اسلام آباد (این این آئی)این ڈی ایم اے نے ملک کے مختلف علاقوں میں ممکنہ بارشوں کے حوالے سے الرٹ جاری کر دیا ۔ این ڈی ایم اے کے مطابق اسلام آباد، پنجاب، خیبر پختونخواہ اور گلگت بلتستان کے مختلف علاقو ں میں 5تا7اکتوبر تک وقفے وقفے سے بارشوں کا امکان ہے،بڑے دریاں بشمول دریائے جہلم،راوی، ستلج کے بالائی علاقوں میں بھی بارشوں کا امکان ہے ۔

بیان کے مطابق خیبر پختونخواہ میں چترال، ڈیر، ہری پور، کوہاٹ، کوہستان، خیبر، کرم اور مانسہرہ میں وقفے وقفے جبکہ مہمند، نوشہرہ، مالاکنڈ، چارسدہ، ابیٹ آباد، بنوں، بونیر، ہزارہ، پشاور صوابی، وزیرستان اور ملحقہ علاقوں میں گرج چمک کے ساتھ بارشوں کا امکان ہے ۔ حکام کے مطابق ممکنہ بارشوں کے باعث دریائے سوات، پنجکوڑا اور درکابل کے بہائو میں بھی اضافہ متوقع ہے جبکہ گلگت بلتستان میں ممکنہ بارشوں کے باعث پہاڑی علاقوں میں لینڈ کے واقعات کا خدشہ ہے۔ این ڈی ایم اے کے مطابق لینڈ سلائیڈنگ سے ممکنہ طور پر ٹورغرروڈ120، بٹگرام روڈ140، شانگلہ روڈ160، لوئر کوہستان روڈ180، تتہ پانی روڈ320تا360متاثر ہو سکتی ہیں ، گلگت روڈ400تا420اور ہنزہ روڈ 530 اور روندو سمیت اسکردو اور سکردو جگلوٹ روڈ کے مختلف مقامات پر بھی لینڈ سلائیڈنگ کا خدشہ ہے ۔

این ڈی ایم اے نے ہدایت کی ہے کہ پہاڑی علاقوں میں لینڈ سلائیڈز،کے خطرے کے پیشِ نظر غیر ضروری سفر سے گریز کریں ، موسم اور سڑکوں کی صورتحال سے باخبر رہنے کے لیے ریڈیو، ٹی وی اور پاک این ڈی ایم اے ڈیزاسٹر الرٹ سے رہنمائی لیں ۔ حکام کے مطابق نیشنل ایمرجنسیز آپریشن سینٹر تمام متعلقہ اداروں کو بر وقت معلومات کی فراہمی یقینی بنا رہا ہے ،این ڈی ایم اے تمام متعلقہ اداروں کے ساتھ مکمل رابطے میں ہے ،مقامی انتظامیہ کی ہدایات پر فوری عمل کریں اور ہنگامی حالات میں متعلقہ اداروں کے ساتھ تعاون کریں۔