اسلام آباد (نیوز ڈیسک)دبئی سے فیصل آباد آنے والی پرواز کو اُس وقت کراچی ایئرپورٹ پر ہنگامی لینڈنگ کرنی پڑی جب ایک مسافر کی طبیعت اچانک بگڑ گئی۔ائیرپورٹ حکام کے مطابق پرواز لاڑکانہ کے قریب تھی کہ مسافر ذوالفقار بیہوش ہوگئے۔ پائلٹ نے فوری طور پر ایئر ٹریفک کنٹرول کراچی کو صورتحال سے آگاہ کیا اور طیارے کو ہنگامی طور پر کراچی کی طرف موڑ دیا۔ لینڈنگ کے بعد میڈیکل ٹیم نے فوری طبی امداد فراہم کرنے کی کوشش کی، مگر افسوس کہ مسافر جانبر نہ ہو سکے۔
ادھر ایک اور واقعہ میں، کراچی سے دبئی جانے والی پرواز میں تین سالہ بچی زہرا شدید بخار کے باعث بے ہوش ہوگئی۔ عملے نے فوری طور پر میڈیکل ایمرجنسی کا اعلان کیا، جس کے بعد بچی کو اتار کر نجی اسپتال منتقل کر دیا گیا۔
