اسلام آباد (نیوز ڈیسک) پنجاب میں آٹے کی قیمتوں کے معاملے پر حکومت اور فلور ملز مالکان کے درمیان مذاکرات کامیاب ہو گئے۔ذرائع کے مطابق فلور ملز نے محدود مقدار میں آٹا فراہم کرنے پر رضامندی ظاہر کر دی ہے، جس کے بعد صوبے کی 800 کے قریب ملز آج سے دوبارہ کام شروع کر دیں گی۔

فلور ملز آج سے 10 اور 20 کلو گرام کے آٹے کے تھیلے سرکاری نرخوں پر مارکیٹ میں فراہم کریں گی، جبکہ حکومت کی جانب سے ملز کو ہر ماہ ایک لاکھ ٹن گندم مہیا کی جائے گی۔مزید بتایا گیا ہے کہ دو بڑی ملٹی نیشنل کمپنیوں نے 25 لاکھ بوری گندم 3 ہزار روپے فی من کے حساب سے دینے پر آمادگی ظاہر کر دی ہے۔ ان کمپنیوں کے نمائندے آج ڈی جی فوڈ سے ملاقات کر کے گندم کی مقدار اور ترسیل کے طریقہ کار پر بات چیت کریں