لاہور (این این آئی) کسٹمز حکام نے لاہور ایئرپورٹ پر کارروائی کرتے ہوئے ایک کروڑ 20لاکھ روپے مالیت کے اسمگل شدہ موبائل فون قبضے میں لے لئے۔ کسٹم حکام کے مطابق ملزم دبئی سے ایمریٹس ایئر لائن کی پرواز ای کے 622 سے لاہور پہنچا تھا۔شک گزرنے پر سپریٹنڈنٹ سجاد جتوئی کی نگرانی میں انسپکٹر نبیل عبدالرحمن اور دیگر عملہ نے کارروائی کی۔ کسٹمز حکام نے مسافر کا سامان چیک کیا تو بڑی تعداد میں موبائل فونز برآمد ہوئے۔

موبائل فونز پر 57 لاکھ سے زائد ڈیوٹی واجب الااد تھی، مسافر محمود کے خلاف مقدمہ درج کرلیا گیا ہے۔