بدھ‬‮ ، 18 ‬‮نومبر‬‮ 2026 

سیلاب نے ہمیں 30 سال پیچھے دھکیل دیا، احسن اقبال

datetime 8  ستمبر‬‮  2025 |

نارووال( این این آئی)وفاقی وزیر منصوبہ بندی احسن اقبال نے کہا ہے کہ دنیا نے دیکھ لیا بھارت کیسا بزدل ملک ہے، بھارت پانی کو ہتھیار بنا کر بہادر بننا چاہتا ہے،بھارت پانی کو ہتھیار بنا کر پاکستانی قوم کیعزم کو کمزور نہیں کر سکتا۔نارووال میں سیلاب سے متاثرہ گائوں مدوگول میں سامان تقسیم کرنے کے موقع پر میڈیا سے گفتگو کرتے احسن اقبال نے کہا کہ 1988 کے بعد ہم نے سب سے بڑے سیلاب کا سامنا کیا، پاکستان اور بھارت کے درمیان پانی کا معاہدہ تھا جس کی انہوں نے خلاف ورزی کی۔انہوںنے کہا کہ پاکستان نے بھارت کے 6جنگی جہاز گرائے، آج دنیا ہماری مسلح افواج کی تعریفیں کر رہی ہے۔احسن اقبال نے کہا کہ وفاقی اور صوبائی حکومتیں سیلاب زدگان کے ساتھ کھڑی ہیں، سروے ٹیمیں نقصانات کاجائزہ لے کررپورٹ مرتب کریں گی۔

عوام کے منتخب نمائندے مشکل وقت میں ان کے ساتھ ہیں، پاک فوج، ریسکیو، پولیس سمیت تمام اداروں نے مل کر سیلاب زدگان کی مدد کی۔احسن اقبال نے کہا کہ وزیر اعلی پنجاب مریم نواز شریف نے سیلاب سے متاثرہ علاقوں کا دورہ کیا ہے ، انہوں نے سیلاب متاثرین کو معاوضہ کا وعدہ کیا ہے۔انہوںنے کہا کہ سیلاب نے ہمیں تیس سال پیچھے دھکیل دیا اور ہماری تیس سالہ محنت بہا کر لے گیا،سیلاب سے املاک اور فصلوں کو شدید نقصان پہنچا اور سڑکیں، پل،راستے اور دیہات تباہ ہو گئے۔انہوں نے کہا کہ حکومت ہر ممکن سہولیات دے رہی ہے،حکومت اور ریسکیو کی کوششیں قابل تحسین ہیں، فوجی جوانوں کا مشکور ہوں جنہوں نے مصیبت میں گھرے لوگوں کو ریسکیو کیا،ضلع بھر میں لوگوں کو محفوظ طریقہ سے ریسکیو کیا گیا۔سیلاب متاثرین کی خوراک اور مویشیوں کے لیے چارہ فراہم کیا جا رہا ہے ۔احسن اقبال نے کہا کہ مشکل وقت میں ہم آپ لوگوں کے ساتھ ہیں، یہ آپ کا نہیں ہمارا نقصان ہے ۔سیلاب سے ہونیوالے نقصان کا تخمینہ لگایا جا رہا ہے اورجانی و مالی نقصان کا ازالہ ہو گا،متاثرہ علاقوں کو جلد بحال کر کے ترقی کا نیا سفر شروع کریں گے۔

آج کی سب سے زیادہ پڑھی جانے والی خبریں


کالم



خود کشی سے پہلے


  نوٹ: اگر آپ افورڈ کر سکتے ہیں تو یہ تحریر آپ…

جنرل ضیاء کی شخصیت کے حیران کن پہلو (دوسرا حصہ)

  نوٹ: اگر آپ افورڈ کر سکتے ہیں تو یہ تحریر آپ…

جنرل ضیاء کی شخصیت کے حیران کن پہلو

  نوٹ: اگر آپ افورڈ کر سکتے ہیں تو یہ تحریر آپ…

بیوی کو بھی پتا نہیں چلنا چاہیے

  نوٹ: اگر آپ افورڈ کر سکتے ہیں تو یہ تحریر آپ…

تیسری پینٹنگ

  نوٹ: اگر آپ افورڈ کر سکتے ہیں تو یہ تحریر آپ…

قید بھی نعمت ہوتی ہے

  نوٹ: اگر آپ افورڈ کر سکتے ہیں تو یہ تحریر آپ…

سٹوڈنٹ لسٹ

  نوٹ: اگر آپ افورڈ کر سکتے ہیں تو یہ تحریر آپ…

Mind The Gape

  نوٹ: اگر آپ افورڈ کر سکتے ہیں تو یہ تحریر آپ…

مہاراجہ ہری سنگھ کے جواہرات

  نوٹ: اگر آپ افورڈ کر سکتے ہیں تو یہ تحریر آپ…

مرنے کے علاوہ

  نوٹ: اگر آپ افورڈ کر سکتے ہیں تو یہ تحریر آپ…

درگزر کیا کریں

  نوٹ: اگر آپ افورڈ کر سکتے ہیں تو یہ تحریر آپ…