اسلام آباد (نیوز ڈیسک)معروف مذہبی سکالر انجینئر محمد علی مرزا کے خلاف توہین رسالت ﷺ کی دفعہ 295 سی کے تحت مقدمہ درج کر لیا گیا ہے۔یہ مقدمہ تھانہ سٹی جہلم میں شہری حمیر علی قادری کی درخواست پر پیکا ایکٹ اور 295 سی کے تحت درج کیا گیا۔ مقدمہ ایک متنازعہ ویڈیو کلپ وائرل ہونے کے بعد درج کیا گیا، جس کے منظرعام پر آنے کے بعد مختلف مذہبی حلقوں کی جانب سے شدید ردعمل سامنے آیا۔
گزشتہ روز علمائے کرام نے جہلم کی ضلعی انتظامیہ سے ملاقات کی، جس کے بعد ڈپٹی کمشنر نے انجینئر محمد علی مرزا کے خلاف تھری ایم پی او کے تحت کارروائی کا حکم دیا۔ اسی فیصلے کے بعد انہیں رات گئے حراست میں لے لیا گیا۔
