اسلام آباد (نیوز ڈیسک)گلدشت ٹاؤن کے علاقے چونگی دوگیج میں ایک افسوسناک واقعہ پیش آیا، جہاں نویں جماعت کی 17 سالہ طالبہ نے امتحان میں ناکامی کے باعث اپنی زندگی کا خاتمہ کر لیا۔
ایدھی کے ترجمان کے مطابق طالبہ مناہل امتحانی نتائج میں فیل ہونے کے بعد شدید ذہنی دباؤ میں مبتلا تھی۔ اسی پریشانی کے تحت اس نے زہریلی گولیاں کھا لیں، جس کے نتیجے میں اس کی حالت خراب ہو گئی اور وہ جانبر نہ ہو سکی۔پولیس نے ضروری قانونی کارروائی کے بعد لاش کو ایدھی ایمبولینس کے ذریعے مردہ خانے منتقل کر دیا۔ اس سانحے کے بعد علاقے میں رنج و غم کی فضا قائم ہے۔
