اسلام آباد (نیوز ڈیسک) حافظ آباد میں تین افراد کو قتل کرکے لاشیں جلانے کے اندوہناک واقعے میں ملوث ایک اہم ملزم کو پولیس نے اسلام آباد ایئرپورٹ سے اس وقت گرفتار کرلیا جب وہ قطر جانے کی کوشش کر رہا تھا۔پولیس حکام کے مطابق گرفتار ملزم کو تھانہ ونیکے تارڑ منتقل کر دیا گیا ہے جہاں اس سے مزید تحقیقات جاری ہیں۔

یاد رہے کہ دو روز قبل ملزمان نے تین افراد کو فائرنگ کرکے قتل کیا اور بعدازاں ان کی گاڑی کو آگ لگا دی تھی۔ جاں بحق افراد میں اسپین سے آنے والا ایک شخص اور پولیس کا ایک کانسٹیبل بھی شامل تھا۔اس واقعے کا مقدمہ پولیس نے 16 افراد کے خلاف درج کیا تھا جس میں آٹھ نامعلوم افراد بھی شامل ہیں، جبکہ دیگر ملزمان کی تلاش اور گرفتاری کے لیے کارروائیاں تیز کر دی گئی ہیں۔