لوئر دیر(این این آئی)نامعلوم افراد کی فائرنگ سے سکول ٹیچر بیٹی سمیت جاں بحق ہو گئے۔رپورٹ کے مطابق دیر لوئر کے علاقے اسبنڑ شورشنگ خور میں نامعلوم افراد نے فائرنگ کر کے سرکاری سکول کے استاد کو بیٹی سمیت قتل کر دیا۔
پولیس ذرائع کے مطابق سرکاری سکول ٹیچر اپنی بیٹی کے ہمراہ جا رہے تھے کہ راستے میں نامعلوم حملہ آوروں نے ان پر اندھا دھند فائرنگ کر دی، جس کے نتیجے میں دونوں موقع پر ہی دم توڑ گئے۔واقعے کی اطلاع ملتے ہی پولیس کی بھاری نفری جائے وقوع پر پہنچ گئی اور علاقے کو گھیرے میں لے کر شواہد اکٹھے کرنے کے ساتھ ساتھ تحقیقات کا آغاز کر دیا۔فائرنگ کے افسوسناک واقعے نے علاقے میں خوف و ہراس پھیلا دیا ہے، جبکہ ملزمان کی تلاش کے لیے پولیس نے کارروائیاں شروع کردی ہیں۔
