ٹو بہ ٹیک سنگھ (این این آئی)ٹو بہ ٹیک سنگھ میں شرط لگاکر چوہے مارگولیاں کھانیوالے2نوجوان جاں بحق ہوگئے۔تفصیلات کے مطابق ٹوبہ ٹیک سنگھ کے علاقے رجانہ میں یہ افسوس ناک واقعہ پیش آیا ہے جہاں شرط لگا کر چوہے مارگولیاں کھانے والے 2نوجوان جاں بحق ہوگئے۔
اہل علاقہ کے مطابق دونوں نوجوانوں نے آپس میں شرط لگائی تھی کہ چوہے مارگولیاں جعلی ہیں، گولیاں کھاتے ہی دونوں نوجوانوں کی حالت غیر ہوگئی اور کچھ ہی دیر میں وہ دم توڑ گئے۔دریں اثناء نوجوانوں کی ہلاکت کی اطلاع ملتے ہی پولیس موقع پر پہنچ گئی اور تحقیقات کا آغاز کردیا۔
