لاہور( این این آئی)محکمہ موسمیات نے 22جون سے پری مون سون سیزن شروع ہونے کا امکان ظاہر کیا ہے۔ڈائریکٹر جنرل پنجاب ڈیزاسٹر مینجمنٹ اتھارٹی عرفان علی کاٹھیا نے بتایا کہ رواں سال مون سون کی بارشیں معمول سے 25فیصد زیادہ ہوں گی جبکہ لاہور، راولپنڈی، ملتان، گوجرانوالہ اور سیالکوٹ میں بارشیں 60 فیصد تک زیادہ ہو سکتی ہیں۔

عرفان علی نے کہا کہ سیلابی صورتحال سے نمٹنے کے لیے پی ڈی ایم اے نے تمام انتظامات مکمل کر لیے ہیں۔شہریوں کی حفاظت اور ممکنہ نقصانات کو کم کرنے کے لیے متعلقہ اداروں کو ہائی الرٹ کر دیا گیا ہے۔