ممبئی (این این آئی )ممبئی کے چھترپتی شیواجی مہاراج انٹرنیشنل ایئرپورٹ کے حکام کو ریاست چندی گڑھ سے آنے والی ایئر لائن انڈیگو کی پرواز کو بم سے اڑانے کی دھمکی موصول ہوگئی۔بھارتی ٹی وی کے مطابق پرواز کو بم سے اڑانے کی دھمکی ملنے کے بعد ایئرپورٹ پر سکیورٹی ہائی الرٹ کر دی گئی، دھمکی ایئرپورٹ کی ہاٹ لائن پر ایک فون کال کے ذریعے دی گئی تھی۔
چندی گڑھ سے آنے والی انڈیگو کی پرواز گزشتہ رات ممبئی ایئرپورٹ پر اتری۔ دھمکی کے بعد سکیورٹی پروٹوکول کو فوری طور پر فعال کیا گیا۔طیارے کو ایک الگ محفوظ جگہ پر لے جایا گیا اور سکیورٹی اہلکاروں کی جانب سے اس کی مکمل تلاشی لی گئی۔ طیارے میں کوئی بھی مشکوک چیز نہیں ہائی گئی تاہم پولیس دھمکی کی تحقیقات کر رہی ہے۔
