اسلام آباد (نیوز ڈیسک)محکمہ موسمیات نے پیشگوئی کی ہے کہ شدید گرمی کے بعد آج سے ملک کے مختلف علاقوں میں بارشوں کا سلسلہ شروع ہونے کا امکان ہے۔جاری کردہ اعلامیے کے مطابق اسلام آباد اور اس کے مضافاتی علاقوں میں جزوی طور پر ابر آلود موسم کے ساتھ بارش متوقع ہے، جبکہ بعض مقامات پر ژالہ باری اور تیز بارش بھی ہو سکتی ہے۔محکمہ موسمیات کا کہنا ہے کہ خیبرپختونخوا کے کئی اضلاع جیسے چترال، دیر، سوات، ایبٹ آباد، مانسہرہ اور ہری پور میں بارش اور ژالہ باری کی توقع ہے۔
اسی طرح کوہستان، شانگلہ، بونیر، مالاکنڈ، وزیرستان، کوہاٹ اور ہنگو میں بھی بارش کا امکان ہے۔مزید علاقوں میں لکی مروت، باجوڑ، مہمند، کرک، خیبر، پشاور، صوابی، مردان، کرم، ڈی آئی خان اور بنوں شامل ہیں، جہاں ژالہ باری اور بارش ہو سکتی ہے۔پنجاب کے کئی شہروں جیسے راولپنڈی، مری، گلیات، اٹک، چکوال، جہلم اور منڈی بہاؤالدین میں بھی بارش کی پیشگوئی کی گئی ہے۔ گجرات، گوجرانوالہ، حافظ آباد، سیالکوٹ اور نارووال میں بارش اور ژالہ باری کا امکان ظاہر کیا گیا ہے۔
اسی طرح لاہور، ساہیوال، قصور، اوکاڑہ اور فیصل آباد سمیت دیگر شہروں میں بھی تیز بارش اور ژالہ باری متوقع ہے۔ ٹوبہ ٹیک سنگھ، جھنگ، خوشاب، سرگودھا، میانوالی، ڈی جی خان، بہاولنگر اور بہاولپور میں بھی بارش کا امکان ہے۔سندھ کے شہروں سکھر، گھوٹکی، شکارپور، جیکب آباد، لاڑکانہ، شہید بینظیر آباد اور خیرپور میں شام یا رات کے وقت گرج چمک کے ساتھ بارش کی توقع ہے۔بلوچستان کے علاقے کوئٹہ، زیارت، ژوب، موسیٰ خیل، چمن، مستونگ، پشین، قلعہ عبداللہ، قلعہ سیف اللہ، لورالائی، بارکھان، سبی، خضدار، چاغی اور نوشکی میں بھی بارش اور گرج چمک کا امکان ظاہر کیا گیا ہے۔
