ممبئی (این این آئی)بالی ووڈ کی اداکارہ راکھی ساونت نے مفتی قوی کی شادی کی پیشکش مسترد کردی۔بھارتی میڈیا سے بات کرتے ہوئے راکھی نے کہا کہ میں مفتی قوی سے شادی کیلئے سنجیدہ نہیں ہوں، میں نہیں جانتی کہ ان کی 100بیویاں ہیں یا 900، لیکن میں اکیلی ایک لاکھ عورتوں کے برابر ہوں، اور وہ مجھے سنبھال نہیں سکیں گے۔
اداکارہ نے کہا کہ میں ابھی تک سچے پیار کی تلاش میں ہیں، جو انہیں بھارت میں ابھی تک نہیں ملا۔ راکھی نے کہا کہ بہت سے لوگ میرے پیچھے ہیں مگر وہ صرف مجھے اور میری شہرت کو استعمال کرنا چاہتے ہیں۔پاکستان آنے کے بارے میں پوچھے گئے سوال پر راکھی نے جواب دیا اگر مودی پاکستان کا دورہ کر سکتے ہیں تو میں کیوں نہیں کر سکتی؟ جب ایک جوڑا راضی ہو جائے تو قاضی کیا کر سکتا ہے؟راکھی نے اداکارہ ہانیہ عامر کی تعریف کرتے ہوئے انہیں ایک اچھی اور مہذب لڑکی قرار دیا۔
