اسلام آباد (نیوز ڈیسک) سعودی عرب میں حکام نے ایک غیر قانونی نسوار تیار کرنے والے کارخانے پر چھاپہ مارا اور بڑی مقدار میں نسوار ضبط کر لی۔عرب میڈیا کے مطابق جدہ میونسپلٹی نے اس غیر قانونی کارخانے پر کارروائی کے دوران 217 کلوگرام نسوار قبضے میں لے لی۔

چھاپے کے دوران کئی غیر ملکی افراد کو گرفتار کیا گیا، جو اپنی رہائش گاہ کو نسوار بنانے کے کارخانے کے طور پر استعمال کر رہے تھے۔ اس کے علاوہ وہاں شیشہ کے فلیور بھی تیار کیے جا رہے تھے۔حکام نے بتایا کہ ضبط شدہ نسوار کو تلف کر دیا گیا ہے اور گرفتار شدہ غیر ملکیوں کو پولیس کے حوالے کر دیا گیا ہے۔