دبئی(این این آئی)متحدہ عرب امارات میں ملازمت کے لیے آنے والے غیرملکی کارکنوں کو چار لازمی طبی ٹیسٹ کرانے ہوں گے۔عرب ٹی وی کے مطابق ابوظبی میں میڈیکل ٹیسٹ سینٹر کے ڈائریکٹر آپریشنز کریگ ہالپین کا کہنا تھا کہ امارات میں عالمی معیارکو مدنظر رکھتے ہوئے چار میٹیکل ٹیسٹ مقرر کیے ہیں تاکہ یہاں رہنے اور آنے والوں کی عمومی صحت متاثر نہ ہو۔
انہوں نے کہا کہ امارات کی لیبر مارکیٹ میں ملازمتوں کے بہت مواقع ہیں، اس لیے یہاں آنے والوں کی عمومی صحت کی جانچ قبل ازوقت ممکن ہوسکے گی۔انہوں نے مزید کہا کہ ملازمت کے لیے آنے والوں کے لیے مرکزی میڈیکل ٹیسٹ سینٹر کی سہولت فراہم کی گئی ہے جو اعلی معیار کی ہے۔طبی مرکز کی لیبارٹری میں معیاری اور اعلی مشنری دستیاب ہے جبکہ ماہرین کی ٹیم بھی موجود ہے جو اپنے شعبوں میں تجربہ کار ہیں ۔
واضح رہے جو چار میڈیکل ٹیسٹ لازمی کیے گئے ہیں ان میں سی بی سی، سینے کا الٹراساونڈ تاکہ پھیھپڑوں اور نظام تنفس کی جانچ کی جاسکے جبکہ جوڑوں اور بلڈ پریشر وغیرہ کا معائنہ شامل ہے۔
