ڈھاکہ (این این آئی)بنگلہ دیشی اپوزیشن رہنما ء و سابق وزیراعظم بیگم خالدہ ضیا کو جیل سے رہا کردیا گیا۔غیر ملکی میڈیا رپورٹ کے مطابق بنگلہ دیشی اپوزیشن رہنما ء و سابق وزیراعظم بیگم خالدہ ضیا کو جیل سے رہا کردیا گیا،بنگلادیش نیشنلسٹ پارٹی کی سربراہ خالدہ ضیا کی رہائی کا حکم صدارتی اجلاس میں دیا گیا تھا۔دوسری جانب حسینہ واجد کا تختہ الٹنے کے بعد نوبل انعام یافتہ ماہر معاشیات محمد یونس نے بھی وطن واپسی کا اعلان کردیا۔
اپنے بیان میں محمد یونس نے کہا کہ پیرس سے جلد بنگلادیش واپس آرہا ہوں، عوام جمہوری اصول اور آزادی اظہار کو یقینی بنائیں۔انہوں نے کہا کہ عوام آزاد ہوگئے ہیں، آزادی کا لطف اٹھائیں، یقینی بنائیں کہ اس بار غلطی نہ ہو۔ انہوں نے کہا کہ ہم نے ماضی میں شاندار کام کیا ہے، اب بھی بہت کچھ کر سکتے ہیں۔
