ریاض(این این آئی)سعودی عرب نے برازیل سے مرغی کے گوشت کی درآمد پر عارضی پابندی عائد کردی۔غیرملکی میڈیا کے مطابق سعودی عرب نے برازیل میں مرغیوں میں نیوکیسل نامی بیماری پھیلنے کے بعد پولٹری مصنوعات کی درآمد پر عارضی پابندی لگائی ہے۔

سعودی حکام کا کہنا تھا کہ برازیل سے درآمد کی جانے والی پولٹری مصنوعات پر عائد کی جانے والی عارضی پابندی سے سعودی مارکیٹ پر کوئی خاص اثر نہیں پڑے گا اور نہ ہی اس وجہ سے قیمتوں میں اضافے کا امکان ہے۔سعودی حکام کا کہنا تھا کہ سعودی عرب پولٹری مصنوعات میں خود کفالت حاصل کرنا چاہتا ہے اور زیادہ سے زیادہ مقامی پیداوار کی صلاحیت بڑھا کر اسے سو فیصد تک لانا چاہتا ہے۔سعودی حکام کے مطابق کئی ممالک سے صرف 30 فیصد ہی تازہ یا فروزن چکن درآمد کی جارہی ہے، کوشش ہے کہ مقامی مارکیٹ سے اپنی سو فیصد ضروریات پوری کرنے کے بعد پڑوسی ممالک کو پولٹری مصنوعات برآمد کرسکیں۔