اسلام آباد(این این آئی)بیرسٹر گوہر علی خان انٹرا پارٹی الیکشن میں پاکستان تحریک انصاف کے بلامقابلہ چیئرمین منتخب ہوگئے ہیں۔مرکزی پارٹی چیف الیکشن کمشنر کی جانب سے جاری اعلامیے میں کہا گیا ہے کہ بیرسٹر گوہر کے چیئرمین منتخب ہونے کا باقاعدہ اعلان تین مارچ کوئٹہ میں پارٹی صدارتی انتخابات ہونے کے بعد کیا جائے گا۔
اعلامیے کے مطابق عمر ایوب بھی بلامقابلہ مرکزی جنرل سیکریٹری منتخب ہوگئے ہیں۔خیبرپختونخوا میں علی امین گنڈا پور پینل،سندھ میں حلیم عدیل شیخ پینل بلامقابلہ منتخب ہو اہے جبکہ پنجاب میں یاسمین راشد پینل بلامقابلہ کامیاب قرار پایا ہے۔
