ڈیرہ اسماعیل خان ( این این ا ئی )درازندہ روڈ پر غیرت کے نام پردوہرے قتل کی واردات کے دوران 17سالہ لڑکی اور 19سالہ لڑکے کو قتل کردیا گیا۔ تفصیلات کے مطابق تھانہ درابن کی حدود میں درازندہ روڈ ناجائز تعلقات کے شبہ میں لاچ میر خان ، انور خان ولد احمد خان ، نیاز ولد انور خان ، جمعہ خان ولد العمر ، رسول خان ولد نامعلوم اقوام سلیمان خیل سکنائے مسکوٹہ روڈ نے فیض محمد ولد سرکئی سکنہ ناصر آباد ژوب حال بھٹہ خشت زرکنی روڈ درابن کے بیٹے 19سالہ میر باز اور 17سالہ مسماة شہناز بی بی دختر لاچ میر کو ناجائز تعلقات کی شبہ میں فائرنگ کرکے قتل کردیا، واقعہ کی اطلاع پر مقامی پولیس موقع پر پہنچ گئی تھانہ درابن میں مقتول کے والد نے اس واقعہ کی رپورٹ 5ملزمان کے خلاف درج کرائی ہے۔